Show

Det er ikkje mange utandørs actionsportar ein kan utføre på eit 10 x 10 meter stort areal, og samstundes demonstrere dei karakteristiske trekka ved han. Men, trialsykling kan! Med eit komplett showoppsett, reiser noregsmeister og verdscupsyklist Eirik Ulltang rundt i landet og promoterer trialsporten til folket.

I løpet av eit show vil du sjå triks og stunt utført med den største presisjon og kontroll. Nøkkelord er ekstrem balanse, spenst og kreativitet. Gjennom showet prøver Eirik å involvere, overraske og imponere publikum, både dei unge og dei eldre.


«Krev du noko litt unikt til ditt event, er kanskje eit show meg Eirik den rette løysninga.»


Kor kan Eirik ha show?

Eirik kan opptre i mange ulike settingar. Han  kan gjere show på firmafesten, på kjøpesenteret, på skulen eller midt på fotballbanen. Oppsettet hans er lett å tilpasse, og trialsykling er ein av få idrettar du kan gjere nesten over alt.

Vanlegvis treng han minimum 10 x 10 meter areal, men mindre er ingen problem. Showriggen blir tilpassa etter forholda. Underlaget burde vere relativt flatt og fast, som brustein, asfalt, betong eller grus. Spør om du er usikker.

Kor lenge varer eit show?

Å gjere show på trialsykkel er fysisk krevande. Vanlegvis ligg gjennomsnittspulsen på over 160 slag i minuttet. Om Eirik syklar for lenge om gongen, blir prestasjonen svekka. Han pleier å seie maksimalt 15 minutt per show. Men, får han 30-45 minutt pause, kan han gjere det på nytt.


«Kvart show er spesialtilpassa ditt ønske, budsjett, lokasjon og setting.»


Kva har Eirik med på eit show?

  • Ein 2,1 meter høg tilhenger som fungerer som eit element, med ei balansestang frå taket;
  • Ein 2, 1 meter høg varebil med platform på taket, som fungerer som eit hinder;
  • Komplett PA-anlegg med mikrofon;
  • Minimum sju elementer å sykle på;
  • Plakatar og autografkort for borna etter showet.

Med andre ord, det einaste du treng å tenke på er eit eigna område og straumtilgang til PA-anlegget.

Ikkje vent med å ta kontakt!

Saman kan de diskutere moglegheitar og idear.

Ta kontakt

Kurs

Ønsker du å betre dei sykkeltekniske dugleikane til syklistane i din klubb, motivere nybyrjarar til å sykle meir eller ha ein ekstra aktivitet på ditt arrangement? Då kan eit kurs med Eirik Ulltang vere midt i blinken. Han gjev instruksjon i teknikkar for å betre dei sykkelteknisk ferdigheitane utifrå målsetting og nivå på gruppa. Han utfordrar alle og gjev individuell tilbakemelding og eksperttips til dei som ønsker det. Blir du betre å sykle skapar det forutsetningar for å ha det meir moro på sykkelen.


«Eit kurs av dette slaget vil gje resultat både for sykkelkontroll og progresjonen vidare.»


Eit kurs med Eirik egner seg spesielt godt til terrengsyklistar med ambisjonar om å vinne ekstra sekund i konkurransar, eller stisyklistar som slit med å halde beina på pedalane over eit crux. Enkle tips om bruk av bremsar, tråkking og kroppsposisjonering kan endre mykje på det sykkeltekniske.

Det blir høve til å enten ta i bruk naturleg terreng, eller at Eirik lagar skreddarsydde hinderløyper ved hjelp av paller, kjegler, balansestenger og det som måtte finnast av utfordringar i nærleiken. Vêret er ingen hindring (ifallfall ikkje for Eirik).


«Blir du betre å sykle skapar det forutsetningar for å ha det meir moro på sykkelen.»


Eirik Ulltang har kurs for Bergen Cykleklubb

Kor lenge varer eit kurs?

Eit kurs er vanlegvis mellom 30-45 minutt langt, men kan gjerne vere lenger om det er ønskeleg.

Kor mange kan vere med på eit kurs?

Om Eirik held kurset sjølv, er det maksimalt 12-15 personar per kurs, litt avhengig av alderen på dei i gruppa. Men, er det behov for fleire deltakarar, kan han enten ha fleire grupper eller få med seg ein ekstra instruktør.

Kva består eit kurs av?

Kvart show blir tilpassa kunden sitt ønske og behov. Det er likevel nokre ting som vanlegvis går igjen:

  • Korleis halde balansen og trene på balanse
  • Løfte fram- og bakhjul
  • Stoppe og snu på framhjulet
  • Hoppe med begge hjula (bunnyhopp)
  • Sykle på bakhjulet
  • Sykle opp kantar
  • Sykle utfor kantar

Alle desse teknikkane kan ein ha stor nytte for, enten det er landeveg eller sti ein syklar mest på.

Referansar

«Jeg liker veldig godt måten Eirik inkluderer ungene på. Vi er utrolig fornøyd med produktet han har levert til oss.»

Jonas Uthus, Skarverittet

Jonas Uthus, Skarverittet

«Sykkelshowet med Eirik var kjempeinspirasjon for små og store til triksing og lek med egen sykkel. Vi vil ha flere show, og neste gang skal vi også ha en workshop for potensielle nye trialsyklister.»

Mari Gabrielsen, Asker Kommune

Mari Gabrielsen, Asker Kommune

«Vi har brukt sykkelshowet til Eirik med stor suksess ved flere anledninger. Anbefales!»

Håkon Tønnessen, Red Bull Norge

Håkon Tønnessen, Red Bull Norge

«Eirik Ulltang viste stor sykkelakrobatikk utenfor Birkenhallen på Rena under Birkebeinerrittet 2014. Små og store syklister hadde møtt frem for å se hans spektakulære show.»

Randi Bolstad, Birkebeinerrittet

Randi Bolstad, Birkebeinerrittet

«Vi hadde gleden av å ha Eirik på besøk under vårt familiearrangement Dalheim-dagen. Et spektakulært show med ferdigheter som imponerte både barn og voksne. Vår sykkelgruppe fikk ny inspirasjon til videre satsning»

Thomas A. Sagen, Dalheim IL

Thomas A. Sagen, Dalheim IL

«Eirik er fast inventar på Oppdal Stisykkelcamp, og har sørget for underholdning til våre deltagere, samt lokalbefolkningen, i flere år. Hver gang løfter han showet med nye triks og større vanskelighetsgrad.»

Bjarne Grøseth, Oppdal Stisykkelcamp

Bjarne Grøseth, Oppdal Stisykkelcamp

#Sykkelshow

#SYKKELSHOW på Instagram.

Load More

Om Eirik

slide3

Eirik Ulltang er 24 år, bur i Oslo og er per i dag den einaste profesjonelle trialsyklisten i Noreg. Han er regjerande noregsmeister, og har vunne noregscupen samanlagt alle åra han har vore arrangert (tre gongar).

Han konkurrerer på den internasjonale arenaen, og hevdar seg blant dei 20 beste i både EM, VM og verdscup. På verdsrankingen er han nr. 17 (pr. 10.09.2014).

Eirik har lang erfaring med sykkelshow og kurs, og kombinerer fulltidssatsing på sykkelen med å reise rundt i landet med sitt showoppsett. Han har gjort dette på heiltid sidan 2011.

Meir om Eirik på heimesida hans: eiriktrials.com

Sponsorar

Normeka

Normeka

Pedalup.no

Pedalup.no

Peugeot Norge

Peugeot Norge

Kontakt





Namn

E-post

Emne

Melding

Skriv inn koden i feltet under (forhindrer spam)
captcha